- ತಂದೆ ಬರೀ ತಂದೆ ಮಾತ್ರ. ತಾಯಿ ಮಕ್ಕಳಿಗೆ ತಾಯಿಯೂ ಹೌದು ತಂದೆಯೂ ಹೌದು. ಬರೀ ಅಷ್ಟೇ ಅಲ್ಲ, ಗುರುವೂ ಹೌದು.
- ಹೆಣ್ಣನ್ನು ಪ್ರಕೃತಿ ಮನಃಪೂರ್ವಕವಾಗಿ ಸೃಷ್ಟಿಸಿತು, ಶ್ರದ್ಧೆಯಿಂದ, ಆಸಕ್ತಿಯಿಂದ ಕಟ್ಟಕ್ಕರತೆಯಿಂದ ಸೃಷ್ಟಿಸಿತು. ಈ ಮಾತನ್ನು ಹೇಳುವವರಾರು? ಬರೀ ನಾನಲ್ಲ, ವೆಂಡಲ್ ಹೋಮ್ಸ್ ಹೇಳಿದ್ದಾನೆ.
- ಹೆಣ್ಣನ್ನು ಅರ್ಥ ಮಾಡಿಕೊಳ್ಳುವುದಕ್ಕೆ ಒಂದೇ ಒಂದು ಮಾರ್ಗವಿದೆ ಮಾಧೂ! ಅದೇನು ಗೊತ್ತೆ? ಮೊದಲು ಹೆಣ್ಣನ್ನು ಪ್ರೀತಿಸು. ಅನಂತರ ಅದನ್ನು ಅರ್ಥಮಾಡಿಕೊಳ್ಳುವ ಅವಶ್ಯಕತೆಯೇ ಇಲ್ಲ. ಎಂತಹ ಒಳ್ಳೆಯ ಒಳದಾರಿ ಇದು?
- ಹೆಣ್ಣು ಎಂದೂ ತಪ್ಪು ಯೋಚನೆ ಮಾಡುವುದಿಲ್ಲ. ಏಕೆ? ಅದು ಯೋಚನೆಯನ್ನೇ ಮಾಡುವುದಿಲ್ಲವಲ್ಲಾ ? ಇದು ಅವಹೇಳನ ಮಾಡುವ ಮಾತಲ್ಲ. ಹೆಣ್ಣು ಯೋಚನೆ ಮಾಡುವುದಿಲ್ಲ. ಮಾಡಬೇಕಾಗಿಯೂ ಇಲ್ಲ. ಅದಕ್ಕೆ ಪ್ರಕೃತಿಯ ಅಂತರ್ಬೋಧೆ ಎಂಬುದಿದೆ. ಅದನ್ನೇ ನಾವು ಇಂಗ್ಲಿಷ್ನಲ್ಲಿ ಸಿಕ್ಸ್ತ್ ಸೆನ್ಸ್ ಎಂದು ಕರೆಯುತ್ತೇವೆ.
- ಕೆಲ ಹೆಣ್ಣುಗಳಿಗೆ ಹಲ ಗಂಡುಗಳಿಗಿಂತಲೂ ಬುದ್ಧಿ ಕಡಿಮೆ ಇರಬಹುದು. ಆದರೆ ಹೆಣ್ಣಿಗೆ ಹೆಚ್ಚಿನ ವಿವೇಕ ಇದೆ. ವಿವೇಚನೆ ಇದೆ. ಇದೆಲ್ಲಕ್ಕೂ ಹೆಚ್ಚಾಗಿ ವ್ಯಾವಹಾರಿಕ ಬುದ್ಧಿ ಇದೆ.
- ಜೋಸೆಫ್ ಜೋಬರ್ಟ್ ಈ ವಿಷಯದಲ್ಲಿ ಏನು ಹೇಳುತ್ತಾನೆ ಬಲ್ಲೆಯಾ? ಒಂದು ವೇಳೆ ಅವಳೇ ಗಂಡಾಗಿದ್ದರೆ ಯಾರು ಒಳ್ಳೆಯ ಗೆಳೆಯರಾಗಿರುತ್ತಿದ್ದರೋ, ಅಂತಹ ಹೆಣ್ಣನ್ನು ಮದುವೆಯಾಗು ಎಂದನ್ನುತ್ತಾನೆ.
- ಕಣ್ತೆರೆದು ಮದುವೆಯಾಗು, ತದನಂತರ ಕಣ್ಮುಚ್ಚು - ಎಂಬುದು ಬಹು ಒಳ್ಳೆಯ ಜಾಣ್ಣುಡಿ.
ಇಂದಿಗಿಷ್ಟು. ಇನ್ನು ಶುಕ್ರವಾರ. ಬೀಚಿಯವರ ಇನ್ನೊಂದು ಪುಸ್ತಕ.
ಈಗ ನನ್ನ ಒಂದು ಮುಕ್ತಕ.
ಬೀchi ಉವಾಚ
ಬೆಂಗಳೂರಿನ ಸಿಟಿ ಬಸ್ಸುಗಳೆಂದರೆ
ಕಷ್ಟಗಳಿದ್ದಂತೆ ಮಗನೆ.
ತಿಳಿಸಿ ಬಾರವು ಅವು ಬಂದರೆ ಒಂದರ
ಹಿಂದೊಂದು ಬರುವವು ಒಡನೆ!
***
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ